OʻzLib elektron kutubxonasi
Бош Сахифа Асарлар Бўлимлар Муаллифлар
Bosh Sahifa Asarlar Boʻlimlar Mualliflar
 
Asarga baho bering

5 / 5 (1ta baho berilgan)


Asarni saqlab olish

Asarni ePub formatida saqlab olish (iBooks va Kindle kabi ereader'larda oʻqish uchun) Asarni PDF formatida saqlab olish Asarni OpenDocument (ODT/ODF) formatida saqlab olish Asarni ZIM formatida saqlab olish (Kiwik kabi e-reader'larda oʻqish uchun) Icon book grey.gif

Asar tafsillari
MuallifAbdurauf Fitrat
Asar nomiMusulmon sevgisi (hikoyat)
TurkumlarKutubxona
Xalqlar
   - Oʻzbek/jadid adabiyoti
Boʻlimlar
   - Islom
Mualliflar
   - Abdurauf Fitrat
Uslub
   - Nasr
Shakl
   - Hikoyalar
Yozuv
   - Lotin
TilOʻzb
Nashriyot«oʻqi» kitobi
Hajm1KB
BezatishUzgen (admin@kutubxona.com)
Qoʻshilgan2010/05/19
Manba[ziyouz.com ziyouz.com...]


Nashr belgilari
Boku, 1917-yil


iPad asboblari
Bu asarni ePub versiyani saqlab olish


Mazmun
Bu asar Oʻzbek elektron kutubxonasida («OʻzLib»da) joylashgan. OʻzLib — notijorat loyihasi. Bu saytda joylashgan barcha kitoblar tekin oʻqib chiqish uchun moʻljallangan. Ushbu kitobdan faqatgina shaxsiy mutolaa maqsadida foydalanish mumkin. Tijoriy maqsadlarda foydalanish (sotish, koʻpaytirish, tarqatish) qonunan taqiqlanadi.



Logo.png





Musulmon sevgisi (hikoyat)
Abdurauf Fitrat

Paygʻambarimiz Muhammad alayhissalomning qilgan gʻazotlaridan biri tugagach, bir musulmon xotin tushib qolgan yaradorlarni izlab topmoqchi boʻldi: oʻliklar orasiga kirdi. U yon-bu yonni izlar chogʻda «Oh… suv!..» degan bir tovush eshitdi. Bir yarador musulmonning suvdonini koʻrdi.

Ozroq suv topib shu yaradorning oldiga keldi. Boshini astagina koʻtarib, suvni ichtirmoqchi boʻldi. Yarador musulmon dudogʻini suvga yetkuzar chogʻda boshqa yoqdan «Oh… suv!..» degan oʻzga bir tovush keldi. Yarador suv keltirgan xotinga dediki:
— Bu suvni mendan burun shu tovush egasiga eltib ber. Bir yoʻldoshim yaralanib suvsab yotar ekan, men icholmayman.

Xotin suvni ikkinchi yaradorga olib bordi. U ham suvni ichayin deb turgan chogʻida «Oh… suv!..» degan yana bir tovush eshitdi, xotinga dediki:
— Shu yoʻldoshim suvsiz ekan, men icholmayman, ber suvingni shunga. Xotin suvni uchinchi yaradorga yetkazdi. U suvni ichayotganda birinchi yaradorning «Oh… oʻoldim… suvsizlikdan» degan tovushi keldi. Bu ham xotinga:
— Suvingni mendan burun shu tovush egasiga ber! – dedi va oʻzi ichmadi. Xotin yana qaytib birinchi yaradorning oldiga kelsa, bechoraning oʻlib yotganini koʻrdi. Ikkinchi yaradorning oldiga bordi, u ham oʻlib yotgan ekan. Uchinchi yarador ham suvsizlikdan oʻlib qolmasin deya yugurib ketdi:
— Ey, voh!.. Bu ham oʻlib qolibdi! – deb suvni toʻkdi.

Musulmonlarning oʻlim chogʻida ham bir-birlarini qanchalik sevishlarini oʻylab koʻz yosh qildi.