OʻzLib elektron kutubxonasi
Бош Сахифа Асарлар Бўлимлар Муаллифлар
Bosh Sahifa Asarlar Boʻlimlar Mualliflar
 
Асарга баҳо беринг


Асарни сақлаб олиш

Асарни ePub форматида сақлаб олиш (iBooks ва Kindle каби ereader'ларда ўқиш учун) Асарни PDF форматида сақлаб олиш Асарни OpenDocument (ODT/ODF) форматида сақлаб олиш Асарни ZIM форматида сақлаб олиш (Kiwik каби e-reader'ларда ўқиш учун) Icon book grey.gif

Асар тафсиллари
МуаллифАлбер Камю
Асар номи«Кундаликлар»идан
ТуркумларКутубхона
Xалқлар
   - Жаҳон/Франсуз адабиёти
Бўлимлар
   - Абсурдизм
Муаллифлар
   - Албер Камю
Услуб
   - Наср
Шакл
   - Очиқ хатлар ва мактублар
Ёзув
   - Кирил
ТилЎзб
ТаржимонМаҳмуд Саъдий (Рус тилидан)
Ҳажм3KB
БезатишUzgen (admin@kutubxona.com)
Қўшилган2014/03/25
Манбаhttp://www.ziyouz.com/index...


iPad асбоблари
Bu asarni ePub versiyani saqlab olish


Мазмун
Бу асар Ўзбек электрон кутубхонасида («OʻzLib»да) жойлашган. OʻzLib — нотижорат лойиҳаси. Бу сайтда жойлашган барча китоблар текин ўқиб чиқиш учун мўлжалланган. Ушбу китобдан фақатгина шахсий мутолаа мақсадида фойдаланиш мумкин. Тижорий мақсадларда фойдаланиш (сотиш, кўпайтириш, тарқатиш) қонунан тақиқланади.



Logo.png





«Кундаликлар»идан
Албер Камю

Эркинлик, бу — ёлғон гапирмаслик ҳуқуқидир.

* * *

Нега мен санъаткорман, файласуф эмасман? Чунки мен ғоялар орқали эмас, сўзлар воситасида фикрлайман.

* * *

Ҳаётнинг буюк саволи — одамлар орасида қандай яшаш.

* * *

Трагедия.

Л.: Дунёни қайта яратиш — арзимас вазифа.

С.: Дунёни эмас, одамни қайта яратиш даркор.

* * *

Фақат образлар орқали тафаккур қилиш мумкин. Агар файласуф бўлишни хоҳласанг, романлар ёз.

* * *

Гренйе коммунизм ҳақида: «Адолат идеалини деб бемаъниликларга рози бўлиш керакми». «Ҳа», деб жавоб бериш мумкин, бу — гўзал. «Йўқ», деб ҳам жавоб бериш мумкин, бу — виждонан бўлади. — Бутун масала ана шунда.»

* * *

Эркин матбуот яхши ҳам, ёмон ҳам бўлиши мумкин. Эрксиз матбуот фақат ёмон бўлади.

* * *

Камдан-кам одам санъатни англашга қодир.

* * *

Ёзиш — миннациз юмуш демакдир.

* * *

Ману қонуни:

«Аёлнинг дудоғи, ёш қизнинг кўкси, гўдакнинг дуоси, қурбонлик олови ҳамиша покиза».

* * *

Ўлимда ўйин ва қаҳрамонлик ўзининг ҳақиқий маъносига эга бўлади.

* * *

(1936), март.

Менинг шодлигим чегарасиз.

* * *

31 Март.

Менда шундай туйғу борки, гўё мен бир маромда тубанликдан кўтарилаётгандекман...

* * *

Май.

Жазоирда кун оғаётганда аёллар нақадар гўзал.

* * *

Аёлнинг аёвли ва сипо дўстлиги.

* * *

ХХ асрнинг энг кучли эҳтироси — малайликдир.

* * *

Энг хавфли йўлдан озиш: ҳеч кимга ўхшамаслик.

* * *

Мен ҳеч нарсадан кўз юммасликни афзал биламан.

* * *

Ҳамиша ҳақ бўлишга интилиш — ақлнинг тарбия топмаганлиги белгисидир.

* * *

Ҳар қандай одамнинг ҳаётида буюк туйғулар кам, майда ҳислар кўп бўлади...

* * *
Ҳа, менинг ватаним бор: франсуз тили.