OʻzLib elektron kutubxonasi
Бош Сахифа Асарлар Бўлимлар Муаллифлар
Bosh Sahifa Asarlar Boʻlimlar Mualliflar
Siz shu sahifadasiz: Habib Siddiq. Jarima (hajviya)
 
Asarga baho bering


Asarni saqlab olish

Asarni ePub formatida saqlab olish (iBooks va Kindle kabi ereader'larda oʻqish uchun) Asarni PDF formatida saqlab olish Asarni OpenDocument (ODT/ODF) formatida saqlab olish Asarni ZIM formatida saqlab olish (Kiwik kabi e-reader'larda oʻqish uchun) Icon book grey.gif

Asar tafsillari
MuallifHabib Siddiq
Asar nomiJarima (hajviya)
TurkumlarKutubxona
Xalqlar
   - Oʻzbek/mustaqillik adabiyoti
Boʻlimlar
   - Hajv
Mualliflar
   - Habib Siddiq
Uslub
   - Nasr
Shakl
   - Hajviyalar
Yozuv
   - Lotin
TilOʻzb
Hajm3KB
BezatishUzgen (admin@kutubxona.com)
Qoʻshilgan2014/03/26
Manbahttp://www.ziyouz.com/index...


iPad asboblari
Bu asarni ePub versiyani saqlab olish


Mazmun
Bu asar Oʻzbek elektron kutubxonasida («OʻzLib»da) joylashgan. OʻzLib — notijorat loyihasi. Bu saytda joylashgan barcha kitoblar tekin oʻqib chiqish uchun moʻljallangan. Ushbu kitobdan faqatgina shaxsiy mutolaa maqsadida foydalanish mumkin. Tijoriy maqsadlarda foydalanish (sotish, koʻpaytirish, tarqatish) qonunan taqiqlanadi.



Logo.png





Jarima (hajviya)
Habib Siddiq

Nusrat Barakayev kotibasi damlab qoʻygan qaynoq choydan xoʻplab, xona burchagiga qoʻyilgan televizorda mashhur xonanda kuylayotgan qoʻshiq ohangiga tebranib, goh oʻzi ham qoʻshilib hirgoyi qilib oʻtirgandi.
— Assalomu alaykum, Nusrat Barakayevich, — deya sochlarini ustarada qirdirgan, pastak boʻyli, semiz gavdali bosh hisobchi Shodiyev yumalab kelayotgan tarvuzday xonaga kirib keldi.
— Vaalaykum assalom, keling.
— Kayfiyatingiz yaxshimi, xoʻjayin.
— Yaxshi, xoʻsh nima edi?
— Yaxshi kayfiyatingizni buzmoqchi emasdim. Lekin, aytmasam boʻlmaydi.
— Nima gap oʻzi? Tushuntiribroq gapirsangizchi?
—Tabiatni muhofaza qilish qoʻmitasidan yana toʻlovnoma joʻnatishibdi, — dedi Shodiyev chap qoʻli bilan koʻzoynagini toʻgʻrilab, oʻng qoʻli bilan qogʻozni boshliqqa uzatar ekan. — Tozalash inshootimiz ishlamayotganligi uchun yana jarima solishibdi.
— Toʻlovdik shekilli, — dedi boshliq, sigaret tutunini burqsitgancha televizordan koʻz uzmay.
— Oʻtgan chorakda 200 ming soʻm toʻlagandik. Endi 500 ming soʻm jarima yozishibdi.

Teleekrandan koʻz uzmay raqs tomosha qilayotgan Barakayev bu gapga parvo ham qilmadi.
— Anavini qarang... Oʻyinni qiyvoradi shu qiz. Qarang, qarang, qimirlamagan yeri qolmaydi-ya.

Raqs tugab xalqaro ahvol sharhi boshlandi.
— Xoʻsh, nima deyayotgandingiz?
— Jarima.
— Nima qilishimiz kerak?
— Shuni sizdan soʻragani kirdim.
— Toʻlaymiz, vassalom. Boʻlmasa ulardan qutilib boʻlmaydi, bilasiz-ku.
— Toʻgʻri-ku-ya, qachongacha shunaqa qilamiz. Biror chorasini koʻrish kerakmikin...
— E-e, qiziqmisiz, 500 ming soʻm bizzi millioner korxonaga nima degan gap.
— Shunaqa-yu, tozalash inshooti qurilishi orqaga surilib ketayotgani chatoq boʻlyapti-da.
— Boʻladi, hammasi boʻladi. Sabr qilsang gʻoʻradan halvo bitur, degan mashoyixlar.
— Manavini shaxsan oʻzingizga yuborishibdi.
— Nima ekan bu?
—Atrof-muhitni ifloslantirayotgan korxona rahbari sifatida jarima toʻlarkansiz.
— Qancha ekan?— birdan hushyor tortdi Barakayev.
— Eng kam ish haqining uch baravari miqdorida.

Barakayevning avzoyi buzildi, koʻzlari pirpirab, oʻng beti ucha boshladi.
— Ming marta aytganman senlarga, bu ahvolga chidab boʻlmaydi, deb. Shuncha mablagʻni qayerdan olaman?
— Axir, oʻzingiz...
— Gapimni boʻlma, — deya stolga mushtlab sensirashga oʻtdi boshliq. — Kallani ishlatishlaring kerak edi. Hammang bu yerda nima qilib oʻtiribsan? Bor, qurilish boʻyicha muovin Erkayevni top. Tozalash inshooti qurilishini tezlashtirsin, masalani hal qilmaguncha ikkalalaring ham koʻzimga koʻrinmalaring...

Shodiyev talmovsirab chiqib ketdi. Barakayev oʻylanib qoldi.
— Eng kam ish haqining uch barobari emish, shuncha pulni qayerdan olaman?..

Ekranda jildirab oqayotgan zilol suv, qirgʻoqda shamolda tebranib turgan qiygʻos ochilgan gullar koʻrindi. Barakayev jahl bilan oʻrnidan turdi va ... televizorni oʻchirdi.