OʻzLib elektron kutubxonasi
Бош Сахифа Асарлар Бўлимлар Муаллифлар
Bosh Sahifa Asarlar Boʻlimlar Mualliflar
Siz shu sahifadasiz: Turkum:Oʻlmas Umarbekov
Oʻlmas UmarbekovЎлмас Умарбеков
Isteʻdodli adib Oʻlmas Umarbekov tengdoshlari va ustozlarining hurmat-eʻtiborini qozonish baxtiga muyassar boʻlgan yozuvchilardan. U oʻnlab hikoyalar, qissalar, romanlar, dramatik asarlar yaratdi. U qaysi jabhada, nima ishda ishlamasin, hamisha el-yurt gʻami bilan yashadi. Ayniqsa, badiiy asarlarida - ular xoh hikoya, xoh roman, xoh sahna asari boʻladimi, hamma-hammasida insonlardagi maʻnaviy-axloqiy fazilatlarni ardoqlashga, ulugʻlashga intildi.

Истеъдодли адиб Ўлмас Умарбеков тенгдошлари ва устозларининг ҳурмат-эътиборини қозониш бахтига муяссар бўлган ёзувчилардан. У ўнлаб ҳикоялар, қиссалар, романлар, драматик асарлар яратди. У қайси жабҳада, нима ишда ишламасин, ҳамиша эл-юрт ғами билан яшади. Айниқса, бадиий асарларида - улар хоҳ ҳикоя, хоҳ роман, хоҳ саҳна асари бўладими, ҳамма-ҳаммасида инсонлардаги маънавий-ахлоқий фазилатларни ардоқлашга, улуғлашга интилди.

Tarjimai hol

Таржимаи ҳол

Oʻlmas Umarbekovning tugʻilganiga 50 yil toʻlishi munosabati bilan «Oʻzbekistonda xizmat koʻrsatgan sanʻat arbobi» faxriy unvoni berildi. «Oʻzbekiston xalq yozuvchisi» degan yuksak sharafga ega boʻldi.

Ўлмас Умарбековнинг туғилганига 50 йил тўлиши муносабати билан «Ўзбекистонда хизмат кўрсатган санъат арбоби» фахрий унвони берилди. «Ўзбекистон халқ ёзувчиси» деган юксак шарафга эга бўлди.

Oʻlmas Umarbekov 50-60-yillarda oʻzbek adabiyotiga kirib kelgan sermahsul va hozirjavob adiblar sirasiga kiradi. U 1934 yil Toshkentda tugʻilgan. Oʻrta maktabni tugatgach, Oʻrta Osiyo Davlat universitetining filologiya fakul'tetiga kirib, 1956 yilda uni aʻlo baholar bilan bitirdi. «Men ham yoshligimda koʻp narsalarga qiziqqanman, - deb hikoya qilgan edi yozuvchi. - Keyinchalik uchuvchilikni orzu qilgan edim, bogʻbon ham boʻlmoqchi boʻlganman. Ammo adabiyot hamma orzularimdan kuchlilik qildi. Shuning uchun boʻlsa kerak, oʻrta maktabni tugatganimda, hech ikkilanmasdan, Toshkent dorilfununining filologiya fakul'tetiga kirdim.

Ўлмас Умарбеков 50-60-йилларда ўзбек адабиётига кириб келган сермаҳсул ва ҳозиржавоб адиблар сирасига киради. У 1934 йил Тошкентда туғилган. Ўрта мактабни тугатгач, Ўрта Осиё Давлат университетининг филология факультетига кириб, 1956 йилда уни аъло баҳолар билан битирди. «Мен ҳам ёшлигимда кўп нарсаларга қизиққанман, - деб ҳикоя қилган эди ёзувчи. - Кейинчалик учувчиликни орзу қилган эдим, боғбон ҳам бўлмоқчи бўлганман. Аммо адабиёт ҳамма орзуларимдан кучлилик қилди. Шунинг учун бўлса керак, ўрта мактабни тугатганимда, ҳеч иккиланмасдан, Тошкент дорилфунунининг филология факультетига кирдим.

Nazarimda, adashmagan ekanman. Endi boʻlsa, adabiyotsiz, badiiy ijodsiz hayotimni tasavvur qilolmayman». Oʻlmas Umarbekov ogʻir xastalikdan soʻng, 1994 yil 10 noyabrda hayotdan koʻz yumdi.

Назаримда, адашмаган эканман. Энди бўлса, адабиётсиз, бадиий ижодсиз ҳаётимни тасаввур қилолмайман». Ўлмас Умарбеков оғир хасталикдан сўнг, 1994 йил 10 ноябрда ҳаётдан кўз юмди.

Respublika radiosida oddiy muharrir sifatida ish boshlagan Oʻlmas Umarbekov uzoq yillar davomida shu yerda bosh muharrir boʻlib ishladi. Qariyb oʻn yilga yaqin «Oʻzbekfil'm» kinostudiyasiga boshchilik qildi. 1982 yilga kelib, Oʻzbekiston Madaniyat vazirining oʻrinbosari, keyinroq vazir boʻlib faoliyat koʻrsatdi. Koʻp oʻtmay, u Oʻzbekiston Yozuvchilar uyushmasiga rais etib saylandi (1985). Ayni chogʻda Osiyo va Afrika yozuvchilari birdamlik qoʻmitasining raisi etib tayinlandi. Nihoyat, 1989-1991 yillarda Respublika Vazirlar Mahkamasi Raisining oʻrinbosari boʻlib ishladi.

Республика радиосида оддий муҳаррир сифатида иш бошлаган Ўлмас Умарбеков узоқ йиллар давомида шу ерда бош муҳаррир бўлиб ишлади. Қарийб ўн йилга яқин «Ўзбекфильм» киностудиясига бошчилик қилди. 1982 йилга келиб, Ўзбекистон Маданият вазирининг ўринбосари, кейинроқ вазир бўлиб фаолият кўрсатди. Кўп ўтмай, у Ўзбекистон Ёзувчилар уюшмасига раис этиб сайланди (1985). Айни чоғда Осиё ва Африка ёзувчилари бирдамлик қўмитасининг раиси этиб тайинланди. Ниҳоят, 1989-1991 йилларда Республика Вазирлар Маҳкамаси Раисининг ўринбосари бўлиб ишлади.

U qaysi jabhada, nima ishda ishlamasin, hamisha el-yurt gʻami bilan yashadi. Ayniqsa, badiiy asarlarida - ular xoh hikoya, xoh roman, xoh sahna asari boʻladimi, hamma-hammasida insonlardagi maʻnaviy-axloqiy fazilatlarni ardoqlashga, ulugʻlashga intildi.

У қайси жабҳада, нима ишда ишламасин, ҳамиша эл-юрт ғами билан яшади. Айниқса, бадиий асарларида - улар хоҳ ҳикоя, хоҳ роман, хоҳ саҳна асари бўладими, ҳамма-ҳаммасида инсонлардаги маънавий-ахлоқий фазилатларни ардоқлашга, улуғлашга интилди.

Faoliyati

Фаолияти

Oʻlmas Umarbekov qariyb qirq yil tinimsiz izlanish, ijod bilan band boʻldi. U oʻnlab hikoyalar, qissalar, «Odam boʻlish qiyin», «Fotima va Zuhra» kabi romanlari, «Qiyomat qarz», «Shoshma, quyosh», «Oqar suv», «Sud», «Komissiya», «Kuzning birinchi kuni», «Arizasiga koʻra», «Kurort», «Yer yonganda» kabi dramatik asarlarini yaratdi. Shuningdek, «Ikki soldat haqida qissa», «Oʻzgalarni deb», «Qalin qorlar bagʻridagi uchrashuv» kabi kinofil'mlar uchun ssenariylar yozdi. «Odam boʻlish qiyin» romani Oʻzbekiston yoshlar tashkilotining mukofotiga (1971), «Ikki soldat haqida qissa» fil'mi Hamza nomidagi Respublika Davlat mukofotiga (1977), «Damir Usmonovning ikki bahori» qissasi esa N.Ostrovskiy nomidagi sobiq ittifoq yoshlar tashkilotining mukofotiga (1984) sazovor boʻldi.

Ўлмас Умарбеков қарийб қирқ йил тинимсиз изланиш, ижод билан банд бўлди. У ўнлаб ҳикоялар, қиссалар, «Одам бўлиш қийин», «Фотима ва Зуҳра» каби романлари, «Қиёмат қарз», «Шошма, қуёш», «Оқар сув», «Суд», «Комиссия», «Кузнинг биринчи куни», «Аризасига кўра», «Курорт», «Ер ёнганда» каби драматик асарларини яратди. Шунингдек, «Икки солдат ҳақида қисса», «Ўзгаларни деб», «Қалин қорлар бағридаги учрашув» каби кинофильмлар учун сценарийлар ёзди. «Одам бўлиш қийин» романи Ўзбекистон ёшлар ташкилотининг мукофотига (1971), «Икки солдат ҳақида қисса» фильми Ҳамза номидаги Республика Давлат мукофотига (1977), «Дамир Усмоновнинг икки баҳори» қиссаси эса Н.Островский номидаги собиқ иттифоқ ёшлар ташкилотининг мукофотига (1984) сазовор бўлди.

Uning tugʻilganiga 50 yil toʻlishi munosabati bilan «Oʻzbekistonda xizmat koʻrsatgan sanʻat arbobi» faxriy unvoni berildi. Va, nihoyat, 1992 yilda «Oʻzbekiston xalq yozuvchisi» degan yuksak sharafga ega boʻldi. Uning vafotidan keyin «Fotima va Zuhra» romani nashr etildi va shu asar Muqimiy teatrida sahnalashtirildi. Hozirgi kunda uning nomida koʻcha va maktab bor. Uch jildlik «Tanlangan asarlar»ining I- va II- jildi nashrdan chiqdi.

Унинг туғилганига 50 йил тўлиши муносабати билан «Ўзбекистонда хизмат кўрсатган санъат арбоби» фахрий унвони берилди. Ва, ниҳоят, 1992 йилда «Ўзбекистон халқ ёзувчиси» деган юксак шарафга эга бўлди. Унинг вафотидан кейин «Фотима ва Зуҳра» романи нашр этилди ва шу асар Муқимий театрида саҳналаштирилди. Ҳозирги кунда унинг номида кўча ва мактаб бор. Уч жилдлик «Танланган асарлар»ининг I- ва II- жилди нашрдан чиқди.

"Oʻlmas Umarbekov" turkumidagi asarlar.

Ushbu turkumda quyidagi 100 asarlar, hammasi boʻlib 102ta asar mavjud.

( oldingi 100 ) ( keyingi 100 )

A / А


B / Б


D / Д


G / Г


H / Ҳ


K / К


M / М


N / Н


O / О

O / О davomi


Q / Қ


S / С


T / Т


U / У


V / В


X / X


Y / Й


Ye / Е


Yo / Ё


Yu / Ю


Sh / Ш


Ch / Ч

( oldingi 100 ) ( keyingi 100 )

"Oʻlmas Umarbekov" turkumidagi sahifalar.

Ushbu turkumda quyidagi 103 sahifalar, hammasi boʻlib 103 ta sahifa mavjud.

O

O davomi

O davomi