OʻzLib elektron kutubxonasi
Бош Сахифа Асарлар Бўлимлар Муаллифлар
Bosh Sahifa Asarlar Boʻlimlar Mualliflar
Siz shu sahifadasiz: Turkum:Shukur Xolmirzayev
Shukur XolmirzayevШукур Xолмирзаев
Taniqli adib Shukur Xolmirzayevning hikoya, qissa va romanlari tesha tegmagan voqealarga bagʻishlanganligi, xarakterlarga boyligi bilan ajralib turadi. Talabalik yillarida oʻz qissalari bilan oʻzbek adabiyotiga kirib kelgan adib - Shukur Xolmirzayev adabiyot sohasidagi xizmatlari uchun Hamza nomidagi respublika Davlat mukofotiga.

Таниқли адиб Шукур Холмирзаевнинг ҳикоя, қисса ва романлари теша тегмаган воқеаларга бағишланганлиги, характерларга бойлиги билан ажралиб туради. Талабалик йилларида ўз қиссалари билан ўзбек адабиётига кириб келган адиб - Шукур Холмирзаев адабиёт соҳасидаги хизматлари учун Ҳамза номидаги республика Давлат мукофотига.

Tarjimai hol

Таржимаи ҳол

Shukur 1991 yilda esa Oʻzbekiston xalq yozuvchisi unvoniga musharraf boʻlgan.

Шукур 1991 йилда эса Ўзбекистон халқ ёзувчиси унвонига мушарраф бўлган.

Shukur Xolmirzayev 1940 yili Surxondaryo viloyatining Boysun tumanida tavallud topdi. U oʻrta maktabni tugatib, Toshkent Davlat universitetida tahsil oldi.

Шукур Холмирзаев 1940 йили Сурхондарё вилоятининг Бойсун туманида таваллуд топди. У ўрта мактабни тугатиб, Тошкент Давлат университетида таҳсил олди.

Shukur Xolmirzayev hozirga qadar kitobxonlarga juda koʻp hikoyalar, bir necha qissa va romanlarni taqdim etdi.

Шукур Холмирзаев ҳозирга қадар китобхонларга жуда кўп ҳикоялар, бир неча қисса ва романларни тақдим этди.

Shukur Xolmirzayev oʻzbek hikoyachilik sanʻatining ustozi Abdulla Qahhordan keyin yangi, yuqori bosqichga koʻtargan yozuvchilardan biridir. Uning hikoya, qissa va romanlari tesha tegmagan voqealarga bagʻishlanganligi, xarakterlarga boyligi bilan ajralib turadi.

Шукур Холмирзаев ўзбек ҳикоячилик санъатининг устози Абдулла Қаҳҳордан кейин янги, юқори босқичга кўтарган ёзувчилардан биридир. Унинг ҳикоя, қисса ва романлари теша тегмаган воқеаларга бағишланганлиги, характерларга бойлиги билан ажралиб туради.

Sanʻatkor dramaturgiyaga ham qoʻl urib, «Qora kamar» ^pyesasini yozgan, unda 20-yillarning boshlarida milliy ozodlik yoʻlida olib borilgan kurash aks ettiriladi.

Санъаткор драматургияга ҳам қўл уриб, «Қора камар» пьесасини ёзган, унда 20-йилларнинг бошларида миллий озодлик йўлида олиб борилган кураш акс эттирилади.

Shukur Xolmirzayev adabiyot sohasidagi xizmatlari uchun Hamza nomidagi respublika Davlat mukofotiga, 1991 yilda esa Oʻzbekiston xalq yozuvchisi unvoniga musharraf boʻlgan.

Шукур Холмирзаев адабиёт соҳасидаги хизматлари учун Ҳамза номидаги республика Давлат мукофотига, 1991 йилда эса Ўзбекистон халқ ёзувчиси унвонига мушарраф бўлган.

Adib 2005 yilning kuz oylarida bu dunyo bilan abadiy xayrlashdi.

Адиб 2005 йилнинг куз ойларида бу дунё билан абадий хайрлашди.

Faoliyati

Фаолияти

Uning ilk qissasi «Oq otli» togʻ bolalari hayotidan hikoya qiladi. Shukur Xolmirzayevning talabalik yillarida yozilgan «Toʻlqinlar», (1963), shuningdek, «Oʻn sakkizga kirmagan kim bor?» (1965) qissalari oʻz avlodi - tengqurlari hayotiga bagʻishlangan.

Унинг илк қиссаси «Оқ отли» тоғ болалари ҳаётидан ҳикоя қилади. Шукур Холмирзаевнинг талабалик йилларида ёзилган «Тўлқинлар», (1963), шунингдек, «Ўн саккизга кирмаган ким бор?» (1965) қиссалари ўз авлоди - тенгқурлари ҳаётига бағишланган.

Muallifning keyingi asarlari - «Olis yulduzlar ostida», «Hayot abadiy», «Ogʻir tosh koʻchsa...», «Bodom qishda gulladi» (1968), «Soʻnmas olov» (1985), «Togʻlarga qor tushdi» (1987) hikoyalar toʻplami, «Soʻnggi bekat», «Qil koʻprik», «Yoʻlovchi», «Olaboʻji» romanlari chop etildi.

Муаллифнинг кейинги асарлари - «Олис юлдузлар остида», «Ҳаёт абадий», «Оғир тош кўчса...», «Бодом қишда гуллади» (1968), «Сўнмас олов» (1985), «Тоғларга қор тушди» (1987) ҳикоялар тўплами, «Сўнгги бекат», «Қил кўприк», «Йўловчи», «Олабўжи» романлари чоп этилди.

Nega adib romanlaridan birini «Olaboʻji» deb atadi? Kim oʻzi - Olaboʻji? Asarni oʻqiganingizda, anglaysizki, Olaboʻji - shoʻro tuzumining yashash tarziga boʻyin egmagan, milliy qadriyatlarimizga ixlosi baland bir devonadir. Devona? Yoʻq, unday emas: bu devona - buyuk arxeolog (qadimshunos), ayni chogʻda oʻziga xos oʻjar bir insondirki, hayotning zarbalaridan qochib, tabiat bagʻriga chekinadi. Shu bois «Jinni» laqabini oladi va oqibat jinnixonaga joʻnatiladi.

Нега адиб романларидан бирини «Олабўжи» деб атади? Ким ўзи - Олабўжи? Асарни ўқиганингизда, англайсизки, Олабўжи - шўро тузумининг яшаш тарзига бўйин эгмаган, миллий қадриятларимизга ихлоси баланд бир девонадир. Девона? Йўқ, ундай эмас: бу девона - буюк археолог (қадимшунос), айни чоғда ўзига хос ўжар бир инсондирки, ҳаётнинг зарбаларидан қочиб, табиат бағрига чекинади. Шу боис «Жинни» лақабини олади ва оқибат жиннихонага жўнатилади.

Shukurning soʻnggi romani «Dinozavr»dir. Muallifning aytishicha: «Kuchlilar yengadi, kuchsizlar yengiladi, deyilgan nazariya notoʻgʻri! Agar kuchlilar yengish qobiliyatiga ega boʻlganlarida, avvalo, dinozavr yenggan boʻlardi. Yoʻq, u oʻladi. Sabab? U shakllanib boʻlgan. Shundoqda: koʻp mardlar maydonga kiradilar. Ular oʻlimlarini bilishadi. Ammo ular uchun orqaga yoʻl yoʻq. Qoʻrqoqlarchi? Oʻshandayoq kavaklariga kirib olishganlar...»

Шукурнинг сўнгги романи «Динозавр»дир. Муаллифнинг айтишича: «Кучлилар енгади, кучсизлар енгилади, дейилган назария нотўғри! Агар кучлилар енгиш қобилиятига эга бўлганларида, аввало, динозавр енгган бўларди. Йўқ, у ўлади. Сабаб? У шаклланиб бўлган. Шундоқда: кўп мардлар майдонга кирадилар. Улар ўлимларини билишади. Аммо улар учун орқага йўл йўқ. Қўрқоқларчи? Ўшандаёқ кавакларига кириб олишганлар...»

Bunday qarash qanchalik munozarali boʻlmasin, muallifning bugungi kun - yangi asrni qabul qilishdagi ziyolilar fojiasi va iztiroblarini aks ettirishda oʻziga xos bir yoʻlni tutgani sezilib turadi.

Бундай қараш қанчалик мунозарали бўлмасин, муаллифнинг бугунги кун - янги асрни қабул қилишдаги зиёлилар фожиаси ва изтиробларини акс эттиришда ўзига хос бир йўлни тутгани сезилиб туради.

"Shukur Xolmirzayev" turkumidagi asarlar.

Ushbu turkumda quyidagi 100 asarlar, hammasi boʻlib 155ta asar mavjud.

( oldingi 100 ) ( keyingi 100 )

A / А


B / Б


E / Э


F / Ф


H / Ҳ


I / И


J / Ж


K / К

K / К davomi


N / Н


O / О


Q / Қ

( oldingi 100 ) ( keyingi 100 )

"Shukur Xolmirzayev" turkumidagi sahifalar.

Ushbu turkumda quyidagi 156 sahifalar, hammasi boʻlib 156 ta sahifa mavjud.

S

S davomi

S davomi

Ш